मोठी बातमी २०%,४०%६०% आणि आता ८०% विनाअनुदानित शिक्षक आणि शिक्षकेतर कर्मचाऱ्यांसाठी खुशखबर!

अंशतः अनुदानित शाळांना अनुदानाचा टप्पा मिळावा या मागणीसाठी राज्यांमध्ये विविध ठिकाणी विनाअनुदानित शिक्षक व शिक्षकेतर कर्मचारी यांचे १ ऑगस्ट २०२४ पासून ७५ दिवस आंदोलन सुरू होते. यानंतर शासनाने निवडणुकीपूर्वी १० ऑक्टोबर २०२४ चा मंत्रिमंडळ बैठकीत सर्व शाळांना अनुदानाचा वाढीव टप्पा देण्याचा मान्य केले. राज्यातील ५००० विनाअनुदानित शाळांना टप्पा वाढ अनुदान देण्यासंदर्भात १४ ऑक्टोबर २०२४ रोजी शासन निर्णय सुद्धा करण्यात आला. मात्र दोन अधिवेशन होऊनही शासन निर्णयाचे अंमलबजावणी झाली नाही, त्यामुळे विनाअनुदानित शिक्षक आणि अंशतः अनुदानित शिक्षकांमध्ये प्रचंड रोष निर्माण झाला. त्यामुळे शिक्षकांनी आक्रमक होत, आझाद मैदानावर शासनाविरोधात घोषणाबाजी करत आझाद मैदान दणाणून सोडले. राज्यातून विविध जिल्ह्यांमधून हजारो शिक्षक आझद मैदानावर एखवटले.

 जवळपास ५००० हून अधिक अंशतः अनुदानित शाळा आहेत. यामध्ये माध्यमिक शाळांमध्ये २३८० उच्च माध्यमिक व कनिष्ठ महाविद्यालयांमध्ये १६९३२ शिक्षक व प्राथमिक विभागाच्या शाळांमध्ये ८६०२ शिक्षक व शिक्षकेतर कर्मचारी कार्यरत आहेत. सुमारे ५८४४ खासगी अंशतः अनुदानित शाळांना ऑक्टोबर 2024 च्या शासन निर्णयाप्रमाणे टप्पा वाढ लागू करण्यात यावे यासाठी शिक्षक समन्वय संघामार्फत मुंबई येथील आझाद मैदानात आंदोलन करण्यात आले. या आंदोलनाला तीस ते चाळीस हजार शिक्षकांनी शाळा बंद ठेवून आझाद मैदानात एकवटले होते. स्वतः मुख्यमंत्र्यांनी आश्वासन दिल्यामुळे शिक्षकांनी आंदोलन  मागे घेतले.