शिक्षकांसाठी खुशखबर! दिवाळीपूर्वी वाढीव टप्प्यासह वेतन मिळणार, आमदार म्हात्रे आणि देशपांडेंच्या पाठपुराव्याला मोठे यश

मुंबई: राज्यातील हजारो अंशता अनुदानित आणि विनाअनुदानित शिक्षकांसाठी खुशखबर बातमी आहे. आणि त्यांच्या साठी आजचा दिवस आशेचा किरण घेऊन आला आहे. शिक्षक आमदार ज्ञानेश्वर म्हात्रे आणि माजी आमदार श्रीकांत देशपांडे यांच्या अथक प्रयत्नांना यश आले असून, शिक्षकांच्या वाढीव टप्पा अनुदानासह वेतनाचा ₹268 कोटींचा निधी मंजूर झाला आहे. ही बातमी दिनांक शिक्षकांसाठी खुशखबर बातमी आहे. व याबाबतचा शासन निर्णय (जीआर) आज, सोमवार, १३ ऑक्टोबर २०२५ रोजी जारी करण्यात आला, ज्यामुळे शिक्षकांची यंदाची दिवाळी खऱ्या अर्थाने गोड होणार आहे.

मंत्रालयात दिवसभर तळ ठोकून मिळवले यश

मागील आठवड्यात आमदार म्हात्रे आणि देशपांडे यांनी वित्त विभागाकडून नियमित निधी ₹168 कोटी आणि वाढीव टप्प्यासाठी ₹100 कोटी असा एकूण ₹268 कोटींचा निधी मंजूर करून घेतला होता. मात्र, या निधी वितरणाचा जीआर शिक्षण विभागाकडून निघणे बाकी होते. या कामाला गती देण्यासाठी दोन्ही आमदारांनी आज सकाळपासूनच मंत्रालयात धाव घेतली.

त्यांनी सर्वप्रथम शिक्षण सचिव रणजीतसिंह देओल यांची भेट घेऊन आजच जीआर काढण्याची आग्रही मागणी केली. सचिव देवोल यांनी कक्ष अधिकारी स्मिता देसाई यांना बोलावून याबाबत सूचना दिल्या. तांत्रिक बाबींमुळे (BDS प्रणालीवर अपलोड करण्यापूर्वी वित्त विभागाची पुन्हा परवानगी) थोडा विलंब अपेक्षित होता, मात्र “आजच्या आज कोणत्याही परिस्थितीत शिक्षकांनाही खुशखबर बातमी द्या त्यांचं हे काम पूर्ण करा,” अशा स्पष्ट सूचना सचिव देवोल यांनी दिल्या.